Galego

Fin de semana pasada por auga a que vivimos na nosa viaxe a Monte Louro, Carnota e Ézaro.

Moitísimas grazas aos participantes que, como sempre, fixeron que todo o esforzo pagase a pena. Malia a auga, a boa compaña e as ganas de pasalo ben fixéronnos gozar de dous días nos que nos fomos adaptando ás circunstancias.

Visitamos Monte Louro, as dunas e a lagoa, a senda verde de Carnota e Carnota. Outros preferiron dedicar o seu tempo para visitar as vilas e lugares de interés da zona.

Galego

O sábado 17 de setembro de 2022 celebramos unha nova andaina, esta vez pola zona de Neda, para percorrer parte dos ríos Belelle, Castro e Xubia. Non podemos estar máis agradecidos a todos os rexistrados pola súa participación con Bimares, o bo ambiente xerado, o esforzo realizado, e a excelente predisposición xeral ao bo desenvolvemento da actividade.

Iniciamos a andaina na igrexa de Santa María de Neda, para percorrer o carreiro do Belelle augas arriba, ata a fervenza.

Desde aí subimos cara a Viladonelle, pasando polo miradoiro da fervenza, para chegar á igrexa de Viladonelle, onde paramos para recuperar forzas e facer o tentempié de media mañá.

Desde aí por diversos camiños fomos cara a Anca, para atoparnos co rio Castro na Aldea Tortos. Pasamos pola ponte románica de Pielas e continuamos polo carreiro do río ata o Area Recreativa de Pedroso, onde paramos ao xantar.

Tras a comida, pegadiños ao Xubia polo roteiro dos muíños, chegamos ao muíño de marea de Xubia. Continuamos pola marxe dereita da ría de Ferrol para cruzar a Neda pola moderna pasarela Xubia-Neda. Xa, desde aquí, un intre máis xunto á ría para finalizar onde comezamos.